अजित पवारांच्या शब्दांवरून खळबळ; सुप्रिया सुळे थेट मैदानात

 

अजित पवारांच्या व्हिडिओवर सुप्रिया सुळेंची तीव्र प्रतिक्रिया; महिलांचा सन्मान राखा, कॅरेक्टरवर टीका अस्वीकार्य

मुंबई : राज्याचे उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांचा महिला आयपीएस अधिकाऱ्याशी बोलताना केलेला कथित 'दादागिरी'चा व्हिडिओ सोशल मीडियावर व्हायरल झाल्यानंतर राज्यातील राजकीय वातावरण ढवळून निघालं आहे. 

या प्रकरणावर आता शरद पवार गटातील खासदार सुप्रिया सुळे यांनी थेट प्रतिक्रिया दिली असून त्यांनी सत्ताधाऱ्यांना कडवे शब्द सुनावले आहेत.

सुप्रिया सुळे काय म्हणाल्या?

सुप्रिया सुळे यांनी अजित पवार यांचा थेट नामोल्लेख न करता महिला अधिकाऱ्यांच्या संदर्भातील बोलण्यावर आक्षेप घेतला आहे. त्यांनी स्पष्टपणे सांगितले की,

"महिलांविषयी बोलताना शब्दांचा वापर काळजीपूर्वक करावा. कोणत्याही महिलेच्या कॅरेक्टरवर टीका करणे अस्वीकार्य आहे.

 महिला अधिकारी आपल्या जबाबदाऱ्या पार पाडत आहेत, त्यांचा सन्मान राखला गेला पाहिजे. सत्ता आली म्हणून अहंकार दाखवणं योग्य नाही."

वादाची पार्श्वभूमी

काही दिवसांपूर्वी अजित पवार एका अधिकृत बैठकीत महिला आयपीएस अधिकाऱ्याला झापल्याचा व्हिडिओ व्हायरल झाला होता

.व्हिडिओमध्ये अजित पवार महिला अधिकाऱ्यांवर कठोर शब्दांत नाराजी व्यक्त करताना दिसत होते.

 हा व्हिडिओ बाहेर आल्यानंतर विरोधकांनी अजित पवारांवर तिखट टीका केली. सोशल मीडियावर देखील हा मुद्दा ट्रेंडिंग झाला.

विरोधकांचा निशाणा

विरोधी पक्षांनी हा प्रकार "महिला सन्मानाचा प्रश्न" म्हणून उचलून धरला आहे. महिला अधिकाऱ्यांशी असे वागणे हा सत्तेचा दुरुपयोग असल्याचा आरोप विरोधक करत आहेत. तर आता सुप्रिया सुळे यांच्या प्रतिक्रियेनंतर या प्रकरणाला आणखी वेगळं वळण

 मिळालं आहे.