पंढरपूर शहरात दहशत निर्माण करणाऱ्या कोयता गॅंगला अखेर पोलिसांनी गजाआड केले

 

पंढरपूर पोलिसांची मोठी कामगिरी; कोयता गॅंग गजाआड, पोलिस ॲक्शन मोडवर!

पंढरपूर शहरात दहशत निर्माण करणाऱ्या कोयता गॅंगला अखेर पोलिसांनी गजाआड केले आहे. 

अनेक दिवसांपासून या गँगकडून शहरातील नागरिक आणि व्यावसायिकांना धमक्या देणे, खंडणी मागणे आणि गुन्हेगारी कारवाया करण्याचे प्रकार सुरू होते.

 या पार्श्वभूमीवर पोलिसांनी मोठी मोहीम हाती घेत, गुप्त माहितीच्या आधारे ही कारवाई केली.

या ऑपरेशनमध्ये पोलिसांनी गँगच्या सरगण्यासह काही महत्त्वाच्या सदस्यांना ताब्यात घेतले असून, त्यांच्या जवळून कोयते, धारदार हत्यारे आणि मोबाईल फोन जप्त करण्यात आले आहेत. 

अटकेत घेतलेल्या आरोपींवर आधीपासूनच गंभीर स्वरूपाचे गुन्हे दाखल असल्याचे समोर आले आहे.

कोयता गॅंगच्या दहशतीमुळे शहरात भीतीचे वातावरण पसरले होते. अनेक तरुण या गँगमध्ये सामील होण्याचा प्रयत्न करत होते.

 मात्र पोलिसांच्या या कारवाईनंतर अशा प्रवृत्तींना मोठा धक्का बसला आहे.

 पोलिसांनी स्पष्ट केले आहे की, कायदा हातात घेणाऱ्यांना कोणतीही सूट दिली जाणार नाही.

सध्या पोलिस ॲक्शन मोडवर असून, शहरात गस्त वाढवण्यात आली आहे. गुन्हेगारी रोखण्यासाठी विशेष पथके सक्रिय करण्यात आली आहेत. पोलिसांनी नागरिकांना आवाहन केले आहे की, कोणतीही संशयास्पद हालचाल किंवा गुन्हेगारी प्रवृत्ती दिसल्यास तात्काळ पोलिसांना माहिती द्यावी.